https://dashoguz.live Täzelikler Portaly 2026-08-11 14:12:02 https://dashoguz.live/tm/news/magtymguly-we-leyli-mejnun-yordumy Fri, 07 Aug 2026 11:27:54 +0500 https://dashoguz.live/tm/news/magtymguly-we-leyli-mejnun-yordumy Berkarar döwletiň täze eýýamynyň Galkynyşy döwründe milli edebi mirasymyzyň baýlyklaryny, asyrlara uzaýan  sungatymyzyň dürli ugurlaryny öwrenmekde köptaraplaýyn işler alnyp barylýar. Göwher setirlerini taryha möhürlän Magtymguly Pyragynyň edebi mirasy häzirki döwürde öwrenilişi boýunça täze belentliklere çykýar. Onuň şahyrana eserleri bahasyna ýetip bolmajak baýlyk hökmünde diňe bir halkymyzyň arasynda däl, eýsem, dünýä halklary tarapyndan söýlüp okalýar. Edebi mirasy söz sungatynyň altyn hazynasynda uly orny eýeleýän Magtymguly Pyragynyň eserlerinde halklaryň döredijilik meňzeşliklerini, ýakynlyklaryny we edebi däpleriniň umumylyklaryny öz içine alýan taryhy gymmatlyklar duşýar. Ussadyň şygryýet dünýäsinde orta asyr Gündogar edebiýatynyň şahyrana ýordumlarynyň, däpleriniň 50-ä golaýynyň çeper waspnamalary gabat gelýär. Şolaryň biri hem gadymy Leýli bilen Mejnun hakyndaky ýazuw ýadygärligi bilen baglanyşyklydyr. Akyldaryň «Bilmezmiň», «Jan içinde», «Şondadyr», «Meňzär hökümli», «Baglar, heý!», «Galandar», «Illerden aýlandy», «Istemen», «Mejnuny bardyr», «Nary dilberiň», «Gadryn näbilsin», «Iliňni», «Bizge rowana», «Gitmezmiş», «Jany bolmasa», «Hemhana gelendir», «Maly dünýä, heý!», «Galyp men», «Köňlüm» ýaly şygyrlary meşhur Leýli bilen Mejnunyň ykbalyna, olaryň yşky poeziýada orun alan keşbine bagyşlanypdyr diýsek ýalňyşmarys:   Ýalançyny tutdy ady, Olardyr yşkyň binýady, Mejnun Leýli perizady, Söýen dek söýmüşem seni   Gündogar halklarynyň arasynda Leýli bilen Mejnun hakyndaky edebi ýordumlaryň başlangyç esaslary XII asyryň ahyrlarynda ilkinji gezek arap edebiýatynyň şygyr lirikasynda ýüze çykýar. Dünýä belli gündogarşynaslaryň, tanymal alymlaryň ylmy işlerinde VI asyryň ikinji ýarymynda ýaşap geçen Mejnunyň we Leýliniň taryhy we edebi keşpleri söýginiň, wepalylygyň, ynamyň, yşkyň kuwwatly güýjüniň mukaddes nyşany hökmünde uzak asyrlardan bäri dabaralanyp gelýär. Aşyk-magşuklaryň rowaýata öwrülen ykbaly gazal, mesnewi, elegiýa (mersiýe), rubagy, kasyda, beýt, nezire, teskire, beýaz, erteki ýaly liriki we epiki žanrlarda rowaçlanypdyr. Ýazuwly edebiýatyň taryhynda bu aşyk-magşuklar hakyndaky ýordumlar esasynda ilkinji çeper eserler IX asyrda Abu Abdullah Jafar ibn Muhammet Rudaky we XI asyrda Abu Muhammet Ylýas ibn Ýusup Nyzamy Genjewi tarapyndan döredilýär. Bu görnükli ýordum boýunça täze çeperçilik, ruhy-medeni gymmatlyklaryň kemala gelmeginde we olaryň görnüş ýaýrawyny giňeltmekde Dehlewi, Jamy, Nowaýy, Fizuly, Rumy, Omar Haýýam, Nesimi, Enweri, Nurmuhammet Andalyp we beýleki akyldarlaryň hyzmaty aýratyn uludyr. Alymlaryň bellemegine görä, Leýli we Mejnun hakyndaky taryhy-edebi ýordumlar esasynda çeper eserleriň dürli görnüşleriniň — poemalaryň, dessanlaryň, sungat eserleriniň dürli görnüşleri gündogar halklarynyň dillerinde döredilmegi aýratyn buýsandyryjydyr. Leýli we Mejnun hakyndaky ýordumlar esasynda çeper film, opera, balet, drama eserleri döredildi. Döredijiligi janly durmuş kitabyna meňzedilýän Magtymguly Pyragynyň Leýli-Mejnun hakyndaky şahyrana mekdebiniň tejribelerini Zelili, Zynhary, Mätäji, Mollanepes, Seýdi, Kätibi, Magrupy, Gaýyby, Talyby, Kemine, Şeýdaýy, Misgingylyç, Şabende ýaly döredijilik ussatlary köptaraply ösdüripdirler. https://dashoguz.live/tm/news/col-gamisinin-ayratynlyklary Fri, 07 Aug 2026 11:24:18 +0500 https://dashoguz.live/tm/news/col-gamisinin-ayratynlyklary Ata-babalarymyzyň «Düýe maly — dünýe maly» diýmegi ýöne ýere däl bolsa gerek. Sebäbi taryhymyza ser salsak, düýeleriň adamzat üçin örän möhüm iş şertlerinde ulanylandygyna göz ýetirýäris. Olar söwda gatnawlarynda, oba hojalygynda giňden peýdalanylypdyr. Gadymda gelinler düýe kejebesinde getirilipdir. Düýäniň süýdi dürli keselleri bejermek üçin berhizlik serişde hökmünde ulanylypdyr, häzirki wagtda hem düýe süýdünden giňden peýdalanylýar. Gadym Beýik Ýüpek ýoluny hem düýesiz göz öňüne getirmek mümkin däl. Şol döwürde söwdagärler argyşa gidenlerinde düýelerden kerwen gurap, ençeme menzil ýollar söküp, söwda ulgamynyň ösmegine öz goşantlaryny goşupdyrlar. Şu sebäpli hem düýeler, olaryň beden gurluşy, yssa we sowuga çydamlylygy barada gyzyklanyp,  toplanan maglumatlary okyjylar bilen paýlaşmagy makul bildik. Düýäni aýratyn jandar hökmünde görkezýän zat, bu onuň iň agyr şertlerdenem täsirlenmeýän beden gurluşydyr. Düýäniň beden gurluşy şeýle bir täsin bolmak bilen, ol açlyga we suwsuzlyga ençeme günläp çydamly hem-de üstünde ýüzlerçe kilograma çenli agramly ýüki bilen birnäçe günläp ýol ýöräp bilýär. Düýäniň agyz we dodak gurluşy ýiti tikenli ösümlikleri aňsatlyk bilen çeýnemäge mümkinçilik berýär. Aşgazany we iýmit siňdiriş ulgamy islendik zady siňdirip biljek derejede güýçli bolup, bu aýratynlyk oňa gurak we yssy howa şertlerinde ýaşamak üçin zerurdyr. Düýäniň gözleri iki hatar kirpik bilen gurşalandyr. Kirpikler gapan ýaly biri-biriniň içinden geçýän şekilde ýerleşen bolup, düýäniň gözüni güýçli çäge we gum syrgynlaryndan goraýarlar. Düýäniň burny köp sanly köklere bölünen kanallardan emele gelendir. Gurak we yssy howada çygyň mukdary az bolýar. Şu sebäpli düýäniň dem alýan howasynyň çyglylygyny ýitirmezligi zerurdyr. Muňa bolsa onuň örän uly, öwrümli, çygy özüne siňdirip bilýän aýratynlygy bolan örtük bilen örtülen burny ýardam berýär. Ýagny örtük howadaky çygyň 66 göterimini saklap bilýär. Düýe burnunyň bu aýratynlygy bolsa, çölüň 40 derejeden hem ýokary bolýan yssy howasyny 20 derejä çenli peseldip, düýäniň yssy howada salkyn dem almagyna ýardam berýär. Düýe burnunyň ýene-de bir täsin aýratynlygy, güýçli çäge we gum syrgynlary netijesinde howadaky çägäniň we gumuň burnuna girmezligi üçin, edil gözlerini ýumuşy ýaly, burnuny hem ýapyp bilýänligidir. Düýäniň bütin bedenini gurşap alan gür tüýleri çölüň ýakyp-ýandyryjy yssysynyň derisine aralaşmagynyň öňüni alýar. Şol bir wagtyň özünde bolsa, sowukdan goranmaga hem ýardam berýär. Çöl düýeleri 70 derejä çenli yssy howada, goşa örküçli düýeler bolsa 52 derejä çenli sowuk howada ýaşap bilýärler. Düýäniň aýaklarynyň uzyn bolşy ýaly, ýere basýan penjeleri hem giň, ýaýbaň görnüşde bolup, çägä, guma batman ýöräp bilmegine ýardam berýär. Dabanlarynyň aýratyn galyň deri bilen örtülendigi bolsa, aýagynyň gyzmazlygyna kömek edýär. Düýeleriň agyr howa şertlerinde ýaşap bilmekleri üçin iň esasy serişde olaryň örküçleridir. Düýäniň örküjinde beden agramynyň bäşden bir bölegi möçberinde ýag bolýar. Ýagyň bedeniň belli bir ýerinde ýygnanmagy bedendäki suwuklygynyň azalmazlygyna, şeýlelikde, beden suwuklygynyň tygşytlanmagyna öz täsirini ýetirýär. https://dashoguz.live/tm/news/miweli-baglaryn-bagbany-1 Fri, 07 Aug 2026 11:36:03 +0500 https://dashoguz.live/tm/news/miweli-baglaryn-bagbany-1 Saçaklarymyzyň bereketini artdyrýan, ata Watanymyzda azyk bolçulygyny döredýän bagbanlarymyzyň päk zähmetiniň rysgal-bereketini görüp, guwanmazlyk mümkin däl. Muňa Daşoguz welaýatynyň Şabat etrabynyň «Nowbahar» daýhan birleşiginiň Rozumbaý obasynda, Türkmenderýanyň golaýyndaky baglygyň eýesi Mirzabek Kabulowyň gür baglygyny göreniňde ýene bir gezek göz ýetirýärsiň. Bagbany ökde bolan bagyň miweleriniň çeni-çaky bolmaz eken. Günüň nuruna birkemsiz bişen almadyr erik, üljedir garaly miweleriniň şahalara agram berip durandygyny synlanyňda, olara ençeme zähmetiň siňdirilendigine düşünýärsiň: — Ýaşlygymdan obada bolup, gözümi açyp görenim ekin meýdanlary bolansoň, ene ýere bolan garaýşym başgaça. Çagakam öýümiziň öňünde atamyň baglary timarlap, olara mähir bilen seredişini görüp, bagban bolmagy arzuw ederdim. Atamyň ýanynda bolup, bu kesbiň inçe tilsimlerini öwrendim. Mirzabek aga ilki miweli baglaryň onlarça düýbüni ýetişdirýär. Soňra bolsa ýurdumyzda döredilýän mümkinçiliklerden peýdalanyp, 2007-nji ýylda 5 gektar meýdany kärendä alyp, oňa agrotehniki kadalara görä ideg edip, baglaryň ýüzlerçe düýbüni ekýär. — Häzirki wagtda bu bagda 300-den gowrak miweli baglar bar. Şolaryň 160 düýpden gowragy alma agajy bolup, onuň ýedi görnüşi bardyr. 1 gektar ýerde erigiň 50 düýbi, üljäniň 100 düýbi öz bereketli hasylyny berýär. «Işlejek usul gözlär, işlemejek bahana» diýlişi ýaly, zähmet çekseň, ýaltalyk etmeseň, islendik netijäňe ýetip bolýar. Kakamyň aýdanlaryndan bilýärin, öňler ähli işler diňe orak, pil, kätmen bilen edilýärdi. Hasyl el bilen ýygylýardy. Bu wagt bolsa köp zat tehnikalar bilen ýerine ýetirilýär. Dökün bolsun, suw bolsun, ählisi döwlet tarapyndan amatly şertlerde berilýär. Baga gelsem işläsim gelýär, dynç alan ýaly bolýaryn. Ir säherden baga tarap ýol alýaryn. Her gün irden girenimde baglar birhili maňa garaşyp duran ýaly, ýetişen miwelerini wagtynda ýygnamasam, öýkeläýjek ýaly duýulýar. Bagyň bag bolmagynda maşgalamyzyň hyzmaty örän uly. Ogullarym Husnuddindir Ruslan, gelinlerim Zilaladyr Sewara, ýanýoldaşym Hafiza irden agşama çenli şu ýerde zähmet çekip, uly ýardam berýärler. Ýaz paslynda bu ýerler has hem gözel görke gelýär. Dürli güller açylýar. Agtyjaklarym bagda hezil edip oýnaýarlar. Olar hem yardamyny aýamaýarlar. Mirzabek aganyň ýetişdiren bu datly miweleri diňe bir ak bazarlarymyzy bezemän, eýsem, ýaş nesillerde ene topraga söýgi, halal zähmete bolan höwes duýgusyny hem döredýär. Bu günki gün Mirzabek aganyň göreldesine eýerip, bag ösdürip ýetişdirmäge höwesliler kän. Bag ekmek sogaply iş, onuň arassa howasy bolsa güýç-kuwwat berýär. https://dashoguz.live/tm/news/halk-maslahaty-dowletlilik-dowresi-bedew-batly-osus Fri, 07 Aug 2026 11:22:06 +0500 https://dashoguz.live/tm/news/halk-maslahaty-dowletlilik-dowresi-bedew-batly-osus Şeýle at bilen TDP-niň Daşoguz welaýat komitetiniň Daşoguz welaýat kitaphanasy bilen bilelikde guramagynda «tegelek stoluň» başynda söhbetdeşlik geçirildi. Türkmenistanyň Halk Maslahatynyň mejlisini guramaçylykly geçirmek boýunça öňde goýlan wezipeleri üstünlikli ýerine ýetirmegiň ugurlaryny ara alyp maslahatlaşmak we bu syýasy çäräniň ähmiýetini wagyz etmek maksady bilen geçirilen söhbetdeşlige TDP-niň Daşoguz welaýat komitetiniň bölüm müdiri Batyr Çopanow, partiýa guramaçylary Maksat Nuryýew, Aýnagül Gulmyradowa, welaýat kitaphanasynyň kitaphanaçysy Mähri Bekiýewa dagy gatnaşdylar. Türkmenistanyň Halk Maslahatynyň Başlygy Gurbanguly Berdimuhamedowyň Halk Maslahatynyň Prezidiumynyň mejlisinde bu möhüm ähmiýetli syýasy çäräni ýokary guramaçylyk derejesinde geçirmek boýunça beren tabşyryklaryndan gelip çykýan wezipeleri üstünlikli amala aşyrmak babatda özara pikir alyşmak söhbetdeşligiň gün tertibiniň esasyny düzdi. Söhbetdeşligiň dowamynda Garaşsyzlyk ýyllarynda döwletimiziň syýasy-ykdysady, ruhy-medeni durmuşynyň binýadynyň berkändigi, mukaddes baýramyň ýubileý toýunyň barha golaýlaýan günlerinde umumymilli forumyň geçirilmeginiň eziz Diýarymyzyň bedew batly ösüşleriniň depginine rowaçlyk eçilýändigi, şu ýylyň 23-nji sentýabrynda paýtagtymyz Aşgabat şäherinde geçiriljek Halk Maslahatynyň nobatdaky mejlisiniň täze menzillere, maksatly tutumlara badalga boljakdygy, Gahryman Arkadagymyzyň we Arkadagly Gahryman Serdarymyzyň halk bähbitli, umumadamzat ähmiýetli tagallalary barada buýsanç bilen bellenildi. https://dashoguz.live/tm/news/jemgyyeti-osdurmegin-aydyn-yoly Fri, 07 Aug 2026 11:21:04 +0500 https://dashoguz.live/tm/news/jemgyyeti-osdurmegin-aydyn-yoly TSTP-niň Daşoguz welaýat komitetiniň, Türkmenistanyň döwlet arhiwiniň hem-de «Türkmenstandartlary» döwlet gullugynyň Daşoguz welaýat bölümleriniň bilelikde guramagynda «Türkmenistanyň Halk Maslahatynyň alyp barýan işleriniň taryhy, syýasy-jemgyýetçilik ähmiýeti» ady bilen maslahat geçirildi. Türkmenistanyň Halk Maslahatynyň Prezidiumynyň mejlisinde Halk Maslahatynyň nobatdaky mejlisiniň ýokary guramaçylyk derejesinde geçirilmegini üpjün etmek babatda berlen tabşyryklardan gelip çykýan wezipeleri üstünlikli amala aşyrmak maksady bilen, «Türkmenstandartlary» döwlet gullugynyň Daşoguz welaýat bölüminiň mejlisler zalynda geçirilen maslahatyň dowamyndaky çykyşlarda bu umumymilli forumyň geçirilmeginiň maksady, gymmaty barada giňişleýin gürrüň edildi. Şeýle hem çykyşlarda halkymyzyň agzybirliginiň, jemgyýetimiziň abadançylygynyň, ýurdumyzyň ösüşleriniň özeni bolan mukaddes Garaşsyzlygymyzyň ýyllary içinde ýurdumyzda demokratik özgertmelere aýratyn ähmiýet berilýändigi, galkynýan döwrümizde döwleti we jemgyýeti demokratiýalaşdyrmakda merdana pederlerimiziň geçen şöhratly ýoluna, baý durmuş tejribesine daýanylýandygy, oňa ygrarlylygyň kämil nusgasy hökmünde halkyň sözüne, pikir-garaýşyna aýratyn orun bermek ýaly döwletlilik ýörelgeleriniň Türkmenistanyň Halk Maslahatynyň mejlisiniň geçirilmegi bilen barha rowaçlanýandygy barada buýsanç bilen bellendi. https://dashoguz.live/tm/news/halk-maslahaty-beyik-islere-anyk-ugur Fri, 07 Aug 2026 11:18:52 +0500 https://dashoguz.live/tm/news/halk-maslahaty-beyik-islere-anyk-ugur Milletiň jebisliginiň nyşany Daşoguz welaýatynyň Daşoguz şäher häkimliginiň mejlisler zalynda TZB-niň Daşoguz şäher bölüminiň guramagynda wagyz-nesihat duşuşygy geçirildi. «Halk maslahaty — rowaçlyklara beslenýän ýörelge» ady bilen geçirilen duşuşyga bilim, saglygy goraýyş, medeniýet ulgamlarynyň ilkinji zenanlar guramalarynyň başlyklary, orunbasarlary gatnaşdylar. Türkmenistanyň Halk Maslahatynyň mejlisine taýýarlyk görmek, ilatyň degişli wekilleriniň bu umumymilli forumyň ýokary guramaçylyk derejesinde geçirilmegine gatnaşmagyny üpjün etmek maksady bilen guralan duşuşykda halkymyzyň gadymdan gelýän döwletlilik ýörelgelerine esaslanýan Halk Maslahatynyň mejlisiniň geçirilmeginiň ähmiýeti barada çykyşlar guraldy. Çykyşlarda umumymilli forumda wajyp meseleleriň halk bilen geňeşilmeginiň hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen beýik taglymatynyň durmuş hakykatynyň beýanydygy, onda kabul ediljek çözgütleriň döwletimiziň beýik geljeginiň röwşen bolmagyna, halkymyzyň ýaşaýyş-durmuş derejesiniň ýokarlandyrylmagyna oňyn täsirini ýetirjekdigine garaşylýandygy bellendi. https://dashoguz.live/tm/news/yanlan-diyarym-2026 Fri, 07 Aug 2026 11:17:02 +0500 https://dashoguz.live/tm/news/yanlan-diyarym-2026 Aýdym  adamlaryň göwün syrdaşy Güneşli Diýarymyzda aýdym-saz sungatyna uly sarpa goýulýar. Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde ýylyň-ýylyna uly ruhubelentlikde geçirilýän «Ýaňlan, Diýarym!» telebäsleşigi aýdym-saza höwesli, zehinli ýaşlary ýüze çykarmaga uly ýardam berýär. Golaýda bu bäsleşigiň Daşoguz welaýat tapgyry ýokary ruhubelentlige beslendi. Daşoguz şäheriniň görküne-görk goşup oturan «Türkmeniň ak öýi» binasynyň öňündäki dabaralar meýdançasynda bu aýdym-sazly bäsleşige tomaşa etmäge gelen bagtyýar ildeşlerimiz oňa gatnaşýan höwesjeň aýdymçylary mähirli garşyladylar. Bäsleşigiň welaýat tapgyryna höwesjeň aýdymçylaryň 10-sy gatnaşdy. Bäsleşigiň şertlerine laýyklykda, höwesjeň aýdymçylar öz saýlan aýdymlaryny ýerine ýetirdiler. Olaryň ýerine ýetiren aýdymlary boýunça eminler toparynyň agzalary öz bahalaryny berdiler. Gyzykly hem-de şowhunly geçen bäsleşigiň ahyrynda eminler topary tarapyndan ýeňijiler yglan edildi. Şeýlelikde, Akdepe etrap medeniýet merkeziniň tans artisti Röwşen Kakaýew hem-de Şabat etrap medeniýet merkeziniň tans artisti Wepa Ýazmyradow «Ýaňlan, Diýarym!» telebäsleşiginiň Daşoguz welaýat tapgyrynyň ýeňijileri diýlip yglan edildi. Olar bäsleşigiň döwlet tapgyryna gatnaşmaga hukuk gazandylar. https://dashoguz.live/tm/news/bosagada-taze-okuw-yyly Fri, 07 Aug 2026 11:13:19 +0500 https://dashoguz.live/tm/news/bosagada-taze-okuw-yyly Mekdep bazarlary - haryt bolçulygy Täze okuw ýylynyň başlanmagyna az wagt galdy. Şol sebäpden ýakymly aladalar bilen gurşalan ene-atalar perzentlerini okuw esbaplarydyr, mekdep lybaslary bilen üpjün etmek üçin başagaý bolýarlar. Aýratyn hem, ak mekdebe ilkinji gezek gadam basýan körpeler ýakymly tolgunma bilen gurşalýarlar. Şu günler ýurdumyzyň ähli ýerlerinde bolşy ýaly Daşoguz welaýatynyň etrapdyr şäherlerinde öz işine başlan mekdep bazarlarydyr göçme söwda nokatlary örän köp adamly. Mekdep bazarlary dürli görnüşli harytlary bir ýerden satyn alyp bolýandygy bilen wagtyňy tygşytlaýar hem-de göwün halan harydyňy saýlap almaga mümkinçilik berýär. Söwda nokatlarynda halka hödürlenilýän ýokary hilli harytlaryň aglabasynyň ýurdumyzyň telekeçileri tarapyndan öndürilendigini aýratyn bellemeli. Bu babatda gyzyklanyp, Daşoguz şäherindäki «Daýhan bazarynyň» söwda meýdançasynda guralan mekdep bazaryna bardyk. Giň meýdançada hatara düzülen hem-de baýramçylyk ruhunda bezelen söwda nokatlarynyň göze gelüwliligi halk köpçüligini özüne çekýär. Bu ýerdäki türkmeniň milli ruhuna kybap gelýän ýeň-ýakalary keşdelenen ýaşyl reňkli lybaslar, olar bilen reňkdeş penjekler, fartuklar, tahýalar, zähmet sapagynda geýmek üçin niýetlenen lybaslar okuwçy gyzlarda höwes döredýär. Oglanlar hem bu ýerden özlerine gerek bolan köýnekdir penjekleriň, aýakgaplaryň içinden göwnüne ýaran görnüşini satyn alýarlar. Ýurdumyzda öndürilýän ýokary hilli dokma önümleri we taýýar egin-eşikler ekologiýa taýdan arassa önüm bolmak bilen, çagalaryň saglygyna oňaýly täsir edýär. Bazaryň tekjelerinde owadan görnüşde ýerleşdirilen ýantorbalardyr okuw esbaplary alyjylaryň isleglerini kanagatlandyrýar. Esasy bellemeli zat bolsa, mekdep bazarlaryndaky harytlaryň nyrhynyň halk köpçüligi üçin elýeterli bolmagydyr. Satyjylaryň aýtmagyna görä, şu ýyl alyjylar ýurdumyzda öndürilýän önümlere, milli nyşanly futbolkadyr köýneklere uly isleg bildirýärler. Umuman, şu günler çagalarynyň elinden tutup, okuw üçin gerekli lybaslardyr esbaplary satyn almaga bazarlara gelýän ene-atalaryň sany barha köpelýär. Toý-baýramlary şatlyk-şowhun bilen garşy alýan ildeşlerimiz üçin täze okuw ýyly sözüň doly manysynda özboluşly baýramçylykdyr. Çünki ene-ata üçin çagasynyň döwrebap bilimli, sowatly bolmagy uly bagt. https://dashoguz.live/tm/news/watanyn-bagtyyar-nesli Fri, 07 Aug 2026 09:41:54 +0500 https://dashoguz.live/tm/news/watanyn-bagtyyar-nesli Tomusky dynç alyş möwsüminde okuwçy ýaşlaryň sagaldyş we dynç alyş merkezlerinde kemsiz dynç alyp, wagtlaryny gyzykly geçirmekleri ugrunda yzygiderli alada edilýär. Daşoguz welaýatyndaky «Bagtyýar nesil» çagalar sagaldyş we dynç alyş merkezi çagalaryň wagtyny peýdaly we gyzykly geçirmekleri üçin iň döwrebap enjamlar bilen üpjün edilendir. Bu merkez bagtyýarlygy hakykata öwürýän ertekiler dünýäsidir. Bu ýerde çagalaryň diňe bir dynç almagy däl, eýsem, täze bilimleri öwrenmegi, dostlaşmagy hem-de ukyp-başarnyklaryny açyp görkezmekleri üçin hem giň mümkinçilikler bar. Häzirki wagtda çagalar möwsümiň üçünji tapgyrynda doly derejede dynç alýarlar. Ol ýerde çagalaryň wagtlaryny şadyýan geçirmekleri üçin welaýatymyzyň jemgyýetçilik guramalary, bilim, sport bölümleri tarapyndan ýörite meýilnama esasynda dürli çäreler, sport ýaryşlary yzygiderli guralýar. Merkezde guralýan medeni çäreler çagalaryň ýadynda ömürlik galýar. Türkmenistanyň Magtymguly adyndaky Ýaşlar guramasynyň Daşoguz welaýat we şäher geňeşleriniň bilelikde guramagynda «Geçmişden geljege ýagty ýadygär — medeni mirasym dünýä ýaň salýar» ady bilen welaýatyň Taryhy we ülkäni öwreniş muzeýine gezelenç çäreleri hem guralýar. Ýaş nesillerimiziň şöhratly taryhymyza, milli mirasymyza bolan söýgüsini artdyrmak maksady bilen guralýan gezelenç çärelerinde çagalar geçmiş taryhymyza degişli dürli eksponatlar, maglumatlar, ýazgylar, taryhy çeşmeler hakda söz açýan arheologik tapyndylar, fotosuratlar hem-de halkymyzyň buýsanjy saýylýan Görogly beg türkmen, Alp Arslan, Jelaleddin Soltan ýaly şahslarymyzyň suratlaryna syn edýärler. Nesilden-nesle geçip gelýän milli kesp-kär, sungat eserleri, maddy we medeni gymmatlyklar çagalarda uly täsir galdyrýar. https://dashoguz.live/tm/news/umumymilli-forumyn-mohum-ahmiyeti Fri, 31 Jul 2026 11:43:41 +0500 https://dashoguz.live/tm/news/umumymilli-forumyn-mohum-ahmiyeti Mukaddes Garaşsyzlygymyzyň şanly 35 ýyllygyny dabaralandyrmak hem-de Türkmenistanyň Halk Maslahatynyň mejlisiniň taryhy ähmiýetini wagyz etmek maksady bilen, Daşoguz şäher häkimliginiň TSTP-niň Daşoguz welaýat komiteti bilen bilelikde guramagynda «Halk Maslahaty — döwletli ýörelgelere badalga» diýen şygar bilen maslahat geçirildi. TSTB-niň Daşoguz welaýat bölüminiň mejlisler zalynda geçirilen maslahata işjeň partiýa agzalary, dürli ugurlarda zähmet çekýän adamlar, ýaşuly nesliň wekilleri gatnaşdylar. Maslahatda çykyş edenler Türkmenistanyň Halk Maslahatynyň Başlygy Gahryman Arkadagymyzyň ýolbaşçylygynda geçen Halk Maslahatynyň Prezidiumynyň çözgütleri, umumymilli forumyň döwletimiziň hem halkymyzyň durmuşyny mundan beýläk hem gowulandyrmakdaky ähmiýeti, täze sepgitlere ýetmekdäki, ösüşleri pugtalandyrmakdaky gymmaty barada giňişleýin gürrüň edildi hem-de bu ugurdaky derwaýys meseleleriň üstünde durlup geçildi.