Ýol hereketiniň howpsuzlygy — ömrümiziň rahatlygy

Asuda ýollar —abadan iller

Dowam edýän biraýlyga bagyşlap Daşoguz welaýat Salgyt bölüminiň mejlisler zalynda döwlet edaralarynyň işgärleriniň kärdeşler arkalaşyklarynyň Daşoguz şäher geňeşiniň guramagynda ýol hereketiniň kadalarynyň gyşarnyksyz berjaý edilmegi barada «Sagdyn jemgyýet — kämil döwlet» ady bilen wagyz-nesihat duşuşygy geçirildi.

Wagyz-nesihat çäresinde çykyş edenler ýurdumyzda adamlaryň saglygyny goramaklyga aýratyn uly üns berilýändigini, köpçülikleýin bedenterbiýäniň, sportuň yzygiderli ösdürilýändigini bellediler. Çykyş edenler «Ýol hereketiniň howpsuzlygy — ömrümiziň rahatlygy» atly biraýlygyň ähmiýetini bellediler. Olar ýolda özüňi alyp barmagyň medeniýeti, pyýada ýolagçy bilen sürüjiniň sazlaşykly hereketi, ýol hereketine gatnaşyjylar tarapyndan howpsuzlygy berjaý etmegiň düzgünleri barada giňişleýin durup geçdiler. Bu ugurda alnyp barylýan işleriň oňat netije berýändigini bellediler.