Ýokary hilli süýt önümleri

Daşoguz welaýatynyň Köneürgenç etrabyndaky ösümlik ýag kärhanasynyň ýanyndaky süýt bölüminiň agzybir işçi-hünärmenleri «Pähim-paýhas ummany Magtymguly Pyragy» ýylynyň her bir aýyny ýokary netijeler bilen jemleýärler. Muny geçen on aýyň dowamynda bellenen meýilnamanyň artygy bilen ýerine ýetirilendigi doly tassyklaýar.

Kärhanada önümleriň ýokary hilli bolmagyna barlaghanada ýörite gözegçilik edilýär. Göreldeli işgärlerden Nurana Ýazmyradowa, Amangül Arazgeldiýewa, Hanjar Nazarow, Ýazmyrat Melebaýew dagyny görkezmek bolar. Kärhananyň agzybir işgärleriniň zähmeti bilen, şu ýylyň geçen döwründe mesge ýagynyň 48, peýnir-doragyň 4, turşadylan süýt önümleriniň 80, gaýmagy alynmadyk süýdüň 200 tonnasy sarp edijilere ugradyldy.