Ylmy-amaly maslahat geçirildi

Daşoguz welaýatynyň Daşoguz şäherindäki maglumat tehnologiýalary programmirlemek we kiberhowpsuzlyk ugruna ýöriteleşdirilen 37-nji orta mekdepde hemişelik Bitaraplygymyzyň 30 ýyllygy mynasybetli «Bitarap Türkmenistanyň diplomatiýasy: Parahatçylygyň, ösüşiň we hyzmatdaşlygyň bähbidine» atly ylmy-amaly maslahat geçirildi.

Onda çykyş edenler ýurdumyzyň Bitaraplyk hukuk derejesiniň hem-de parahatçylyk söýüjilik ýörelgesiniň bütin dünýäde belent ykrara eýedigi hakynda buýsanç bilen nygtap geçdiler. Şeýle hem türkmen halkynyň Milli Lideri Gahryman Arkadagymyzyň «Dialog – parahatçylygyň kepili» atly baş ýörelgesiniň dünýäde parahatçylygy, birek-birege ynanyşmagy berkitmekde, durnukly ösüş gazanmakda uly ähmiýete eýedigi hakynda çykyşlar edildi.