Ygrarlylykdan özgerişlere tarap beýik ädimler

 BMG-niň Deňze cykalgasy bolmadyk ösüp barýan ýurtlar boýunça üçünji maslahatyna bagyşlanyp TKA-nyň Daşoguz welaýatynyň Şabat etrap birleşmesiniň guramagynda «Ygrarlylykdan özgerişlere tarap beýik ädimler» diýen at bilen «tegelek stoluň» başyndaky söhbetdeşlik geçirildi. Etrapdaky 46-njy orta mekdebiň mejlisler eýwanynda guralan bu çärä bilim işgärleri gatnaşdylar. Söhbetdeşligiň barşynda çykyş edenler Gahryman Arkadagymyzyň we hormatly Prezidentimiz Arkadagly Gahryman Serdarymyzyň taýsyz tagallalarynyň netijesinde ýurdumyzda geçirilýän bu iri halkara maslahatyň diňe bir oňa gatnaşýan döwletleriň däl, eýsem, tutuş dünýäniň ykdysady ösüşi üçin bähbidiniň iňňän uludygyny, halklaryň dost-doganlyk gatnaşyklarynyň has-da berkidilmeginde düýpli öňegidişlikleriň gazanylmagyna ýardam berjekdigini nygtadylar.