Ýetginjek türgeniň ýeňşi

Ýakynda Lebap welaýatynyň  Türkmenabat şäherindäki 7-nji sport mekdebinde Türkmenistanyň Bedenterbiýe we sport baradaky döwlet komitetiniň we Türkmenistanyň sport göreş federasiýasynyň bilelikde guramagynda sportuň erkin göreş görnüşi boýunça 15 ýaşa çenli kiçi ýaşly ýetginjek türgenleriň arasynda Türkmenistanyň çempionaty geçirildi.

Bu ýaryşa ýurdumyzyň ähli welaýatlaryndan we Aşgabat şäherinden ýaş türgenler gatnaşyp, özara güýç synanyşdylar.

Ýaryşda Daşoguz welaýatynyň ýygyndy toparynyň düzüminde Akdepe etrabyndaky 7-nji sport mekdebiniň türgeni Baýly Baýramgulyýew 75 kg agram derejesinde çykyş edip, ähli garşydaşlaryndan üstün çykmagy başardy. Ol Türkmenistanyň Bedenterbiýe we sport baradaky döwlet komitetiniň Hormat haty, şeýle hem Türkmenistanyň sport göreş federasiýasynyň gymmat bahaly ýadygärlik sowgatlary bilen sylaglandy.

Baýly Baýramgulyýew bu ýaryşyň ýeňijisi bolmak bilen birlikde, Türkmenistanyň kiçi ýaşly ýetginjekler ýygyndy toparynyň düzümine hem saýlanyldy.