Wagyz-nesihat maslahaty

Ýaşlar baradaky döwlet syýasatyny wagyz etmek maksady bilen, TMÝG-niň Daşoguz welaýat geňeşiniň, welaýat Adalat bölüminiň, TKA-nyň welaýat birleşmesiniň bilelikde guramaklarynda birleşmäniň mejlisler zalynda wagyz-nesihat maslahaty geçirildi.

 «Ýaşlar we kanun» atly şygar bilen geçirilen maslahatyň dowamynda guralan çykyşlarda hormatly Prezidentimiziň parasatly baştutanlygynda ýurdumyzda ýaşlar barada edilýän bimöçber aladalara buýsanç beýan edildi. «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» üstünlikli durmuşa geçirmek boýunça alnyp barylýan işler ýaşlaryň bilim almagy, hünär öwrenmegi ugrunda döwlet derejesinde amala aşyrylýan tutumlar barada nygtalyp geçildi.