Wagyz-nesihat çäresi

Daşoguz welaýat häkimliginiň Daşoguz welaýat saglygy goraýyş müdirligi bilen bilelikde guramagynda «Sagdyn maşgala — sagdyn jemgyýet» ady bilen wagyz-nesihat çäreleri geçirildi. Berkarar döwletimizde sagdyn durmuş ýörelgesini wagyz etmek, maşgala binýadynyň berkligini pugtalandyrmak maksady bilen, welaýatyň etraplarynda we Daşoguz şäherinde geçirilen wagyz-nesihat çärelerine ýokary işjeňlik mahsus boldy.

Daşoguzyň «Bagtyýar zaman» medeniýet öýünde geçirilen çäräniň dowamynda çykyş edenler berkarar döwletimizde maşgalanyň abadançylygynyň, nesil saglygynyň üpjün edilmegine aýratyn uly üns berilýändigini bellediler. Jemgyýetiň sazlaşykly ösüşini üpjün etmekde ynsan saglygyna möhüm ähmiýet berilýändigi barada çykyşlarda buýsanç bilen nygtaldy.