Tomus — 2025

Bagtyýar çagalar wagtlaryny hoş geçirýärler

Tomusky dynç alyş möwsüminiň şadyýanlyga, bagtyýarlyga beslenýän ajaýyp günleriniň her biri «Bagtyýar nesil» çagalar sagaldyş we dynç alyş merkezinde dynç alýan çagalarda ýakymly duýgulary oýarýar. Bu ýerde hormatly Prezidentimiziň görkezmelerinden ugur alnyp, çagalaryň dynç alyş möwsüminiň many-mazmunly, talabalaýyk guralmagy babatda netijeli işler durmuşa geçirilýär. Merkezde dynç alýan bagtyýar çagalaryň tomusky dynç alyş möwsümi Daşoguz şäherindäki «Seýran» dynç alyş merkezine guralan täsirli gezelenç bilen utgaşdy. Merkeziň çägindäki oýun attraksionlarynda çagalar wagtlaryny şadyýan geçirdiler. Bagtyýarlyga beslenen täsirli gezelenç çagalaryň tomusky dynç alşyny ýatdan çykmajak pursatlar bilen baýlaşdyrdy.