Täze üstünliklere tarap

TKA-nyň welaýat birleşmesiniň Türkmenistanyň Dokma senagaty ministrliginiň Daşoguz şäherindäki «Çeper» tikin fabrigi bilen bilelikde guran maslahaty «Bedew batly Diýarym bar, at-myratly şygarym bar» diýlip atlandyrylyp, 2026-njy  ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilmegine bagyşlanan dabaralaryň biri hökmünde, örän işjeň hem-de täsirli boldy. Onda çykyş eden TKA-nyň welaýat birleşmesiniň pudaklar boýunça utgaşdyryjysy Haltäç Bäşimowa, welaýat Polisiýa müdirliginiň 4-nji bölüminiň uly gözegçisi Tawus Ýagmyrowa, şu müdirligiň ýangyn howpsuzlygy bölüminiň uly gözegçisi Serdar Arazberdiýew we beýlekiler Garaşsyz ýurdumyzda ajaýyp däbe eýerilip, 2026-njy ýyla şeýle mynasyp adyň berilmeginiň hemmeleri guwandyrýandygyny, onuň halkymyzyň durmuşynda uly waka bolandygyny aýdyp, ata Watanymyzyň ösüşlere beslenmegini arzuw etdiler.