Täze sahna eseri

Daşoguz welaýatynyň Nurmuhammet Andalyp adyndaky döwlet sazly-drama teatrynda Türkmenistanyň Medeniýet ministrliginiň, TKA-nyň Milli merkeziniň, TZB-niň Merkezi geňeşiniň ýurdumyzyň teatrlarynyň arasynda Halkara zenanlar güni mynasybetli yglan eden «Mähre doly eneleriň ýüregi» atly döredijilik bäsleşigine hödürlenen «Ejekejan» atly spektaklyň görkezilişi boldy.

Režissýor Bekmyrat Hallyýew bu spektakly Türkmenistanyň halk ýazyjysy Gowşutgeldi Daňatarowyň eseri esasynda sahnalaşdyrdy. Sahnada Aýjahan Berdiýewa, Hemra Muhadow, Maral Arestanowa, Leýla Gapurowa, Ogulgerek Şyhyýewa, Hemra Dowlyýew, Maýsa Ärjanowa, Mämmetmyrat Mämmetmyradow, Narjan Hallakowa, Begli Dowlyýew, Döwran Bekdurdyýew dagy keşpleri janlandyrdylar. Spektaklda maşgala mukaddesligi, keremli ene söýgüsi, zenan mähremligi hakyndaky pikir-garaýyşlar täsirli wakalaryň üsti bilen şöhlelenýär.