Talyplar bäsleşdiler

Daşoguz welaýatynyň Beki Seýtäkow adyndaky mugallymçylyk mekdebinde Gahryman Arkadagymyzyň, Arkadagly Gahryman Serdarymyzyň gymmatly eserleriniň üsti bilen çeper we ylmy edebiýata söýgini ösdürmek, milliligi wagyz etmek, ýokary ahlak, ynsanperwerlik ýörelgelerini talyp ýaşlaryň aňyna ornaşdyrmak maksady bilen bäsleşik geçirildi.

Onda  mekdebiň usuly birleşmeleri tarapyndan düzülen alty sany topar özara bäsleşdiler. Bäsleşigiň düzgünnamasyna görä,  talyplar Gahryman Arkadagymyzyň hem-de Arkadagly Gahryman Serdarymyzyň gymmatly eserleri esasynda taýýarlanan edebi çykyşlary, sahna eserleri bilen çykyş etdiler. Terbiýeçilik ähmiýeti öňe sürlen bu çykyşlar has-da täsirli boldy. Gahryman Arkadagymyzyň hem-de hormatly Prezidentimiziň ajaýyp kitaplary esasynda taýýarlanylan test sowallaryna jogap berdiler.

Bäsleşigiň baş baýragyna mekdebiň matematika usuly birleşmesiniň talyplary mynasyp boldular, jemgyýetçilik we tebigat bilimleri usuly birleşmesiniň talyplary birinji orna, pedagogika we psihologiýa usuly birleşmesiniň talyplary ikinji orna, iňlis dili usuly birleşmesiniň talyplary üçünji orna, türkmen dili we edebiýaty hem-de rus dili we edebiýaty usuly birleşmesiniň talyplary höweslendiriji baýraklara mynasyp boldular.