«Talyp joşguny» bäsleşigi geçirildi

Baky Bitaraplygymyzyň 29 ýyllygynyň giňden dabaralandyrylýan günlerinde Daşoguz lukmançylyk orta okuw mekdebiniň talyplaryň arasynda «Talyp joşguny» atly çeper höwesjeňleriň bäsleşigi geçirildi.

TDP-niň Daşoguz şäher komiteti bilen bilelikde geçirilen bu bäsleşikde talyplardan düzülen toparlar bäsleşigiň şertine görä, Halkara Bitaraplyk güni mynasybetli gutlaglaryny dürli dillerde beýan etdiler. Şeýlede, Berkarar döwletiň täze eýýamynyň Galkynyşy döwrüni wasp edýän edebi-sazly çykyşy, Magtymguly Pyragynyň goşgularyndan çeper okaýyşlary ýerine ýetirmekde, ata Watanymyzy wasp edýän aýdymlary aýtmakda, täsirli sahnalary ýerine ýetirmekde öz zehin başarnyklaryny görkezdiler. Ýeňiji bolan toparlara TDP-niň Daşoguz şäher komiteti tarapyndan sowgatlar gowşuryldy.