Şypaly hem lezzetli

Hoşboý ysly, baldan süýji, düzüminde köp mukdarda witaminleri, peýdaly maddalary saklaýan datly gawunyň düzüminde köp mukdarda organiki suwlar, krahmal, şeker, beloklar, uglewodlar, iýmit kletçatkalary bar, witaminler kaliý, magniý, foliý turşusy, fosfor, kalsiý, kremniý, erkin organiki kislotalar saklanýar. Şeýle hem ol adamyň ýatkeşligini gowulandyrýar we nerw ulgamyny dartgynlykdan goraýar. Köp mukdarda düzüminde askorbin turşusyny (С witamini) saklaýan gawun adam bedeni üçin peýdalydyr. Gawunyň düzüminde kremniý we demir elementleri hem ýeterlik mukdarda saklanýar, bu bolsa adamyň derisiniň çeýe we owadan öwüşginli, saçlaryň has berk, gözel we sagdyn bolmagyna täsir edýär. Magniý mikroelementiniň hem gawunyň düzüminde saklanmagy adamyň ýürek dokumalarynyň we gan-damar ulgamynyň kadaly işjeňligini üpjün edýär. Halk lukmançylygynda gawun birnäçe sökellikleri bejermekde ulanylypdyr. Düzüminde köp sanly mikroelementleriň, witaminleriň bardygy sebäpli gawun umumy gurplandyryjy, keýpi çaglaýjy, ýadawlygy aýryjy, nerw ulgamynyň işjeňligini kadalaşdyryjy ýaly häsiýetlere hem eýedir. Gawunyň iç ýumşadyjy häsiýetiniň ýokarydygy sebäpli aşa semizlikden saplanmak üçin iýmek maslahat berilýär.

Gawunyň adam bedenine peýdaly taraplary köp bolsa-da, ony aşgazan-içege ýollarynyň kesellerinde, aşgazanyň we on iki barmak içegäniň baş kesellerinde, süýjüli diabetde, käbir beýleki sökelliklerde iýmek maslahat berilmeýär.