Sürüm işleri geçirilýär

Daşoguz welaýatynyň Köneürgenç etrabynda ýerleri geljek ýylyň galla hasyly üçin ekiş möwsümine taýýarlamak işi öndürijilikli alnyp barylýar. Hasyldan boşan ýerler bugdaý samanlaryndan arassalanýar, sürüm işleri geçirilýär. Sürüm işlerinde etrap «Obahyzmat» önümçilik kärhanasyna degişli tehnikalaryň 26-sy işledilýär. Şu tehnikalaryň saz işlemegi netijesinde, her günde etrap boýunça 200 —250 gektar ýerde sürüm işleri geçirilýär. Kärendeçiler hem özleriniň garamagyndaky ýerleriň gyra-töwereklerini, çilleri, suw geljek ýaplary guran ot-çöplerden, gyrmançalardan arassalaýarlar. Şu günlerden ykjam taýýarlyk görülmegi güýzlik bugdaý ekişini öz wagtynda geçirmäge mümkinçilik berer.