Şöhraty jahana dolan Pyragy

«Daşoguz habarlary» gazetiniň redaksiýasynyň Magtymguly Pyragynyň doglan gününiň 300 ýyllygy mynasybetli TMÝG-niň Daşoguz welaýat, şäher geňeşleri bilen bilelikde guramagynda «Şöhratyň jahana doldy, Pyragy!» ady bilen döredijilik duşuşygy geçirildi.

Duşuşykda çykyş edenler ata Watanymyzyň beýik ösüşleri, döwrümiziň eçilýän ajaýyplyklary dogrusynda buýsançly gürrüň etdiler, goşgy okadylar.

Şeýle hem duşuşygyň dowamynda Daşoguz agrosenagat orta hünär okuw mekdebiniň talyplary özleriniň döreden goşgularyny okadylar. Duşuşykda döredijilik dünýäsi bilen baglanyşykly sowal-jogaplar alşyldy.