Söhbetdeşlik geçirildi

«Awaza» milli syýahatçylyk zolagynda  Birleşen Milletler Guramasynyň Deňze çykalgasy bolmadyk ösüp barýan ýurtlar boýunça geçiriljek üçünji maslahatynyň taryhy ähmiýetini wagyz etmek maksady bilen, Daşoguz welaýat merkezindäki «Türkmeniň ak öýi» binasynda «tegelek stoluň» başynda söhbetdeşlik geçirildi. TZB-niň Daşoguz welaýat bölüminiň guramagynda geçirilen söhbetdeşlige işjeň zenanlar gatnaşyp, uly syýasy wakanyň ähmiýeti barada özara pikir alyşdylar.

BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň döwletleriň arasynda netijeli hyzmatdaşlygyň möhüm ugurlaryny ösdürmekde, gender syýasatyny wagyz etmekde uly ähmiýete eýedigi barada buýsanç bilen aýdyldy. Maslahatyň çäklerinde geçirilmegi meýilleşdirilýän zenan ýolbaşçylaryň duşuşygynyň Durnukly ösüş maksatlaryna ýetilmegini, döwletleriň hem-de halklaryň arasynda parahatçylygyň, ynanyşmagyň berkidilmegini şertlendirýän syýasy, ykdysady-durmuş, medeni-ynsanperwer işlere goşant goşmakda zenanlaryň tagallalarynyň ýokary derejededigini açyp görkezjek waka öwrüljekdigi barada uly buýsanç bilen nygtaldy.