Sogan ekilýär

Daşoguz welaýatynyň gök ekerançylary ilatyň gök önümler bilen ýeterlik üpjün edilmegi babatda öňde goýulýan wezipelerden ugur alyp, şu ýyl bol hasyly ýetişdirmäge gönükdirilen çäreleri amala aşyrmaga aýratyn üns berýärler. Şeýlelikde, olar häzirki döwürde jemi 4400 gektar meýdana sogan ekmegi meýilleşdirmek bilen, bu ugurdaky işleri  ýokary işjeňlikde alyp barýarlar. Şonuň netijesinde her günde ýüzlerçe gektar meýdana sogan  tohumy ekilýär. Sogan ekişiniň Şabat etrabynyň S.Rozmetow adyndaky oba hojalyk paýdarlar jemgyýetiniň, Akdepe etrabynyň «Şabat», Boldumsaz etrabynyň «Döwletli», Görogly etrabynyň H.Myradow adyndaky daýhan birleşiklerinde has-da guramaçylykly barýandygyny bellemek bolar. Welaýatyň gök ekerançylarynyň sogan ekişini ýokary depginde alyp barmaklary şu ýyl meýilnama boýunça 110 müň tonna soganyň ýygnalyp alynmagynyň esasy şertidir.