Sapaly kenaryň ajaýyp goýnunda

Gojaman Hazaryň kenaryndaky «Awaza» milli syýahatçylyk zolagy ildeşlerimiziň göwnejaý dynç almagy we ýurdumyzyň syýahatçylyk mümkinçilikleriniň giňeldilmegi babatynda durmuşa geçirilen iri taslamalaryň biridir. Syýahatçylygyň merjeni hasaplanýan bu ajaýyp künjekde Türkmenistanyň Kärdeşler arkalaşyklarynyň garamagyndaky «Daýanç» sagaldyş we dynç alyş merkezi watandaşlarymyzyň ýokary derejede dynç alýan mesgenleriniň biridir. Bu ýerde TKA-nyň welaýat birleşmesiniň guramagynda «Berkarar döwletiň täze eýýamynyň Galkynyşy döwründe Kärdeşler arkalaşyklarynyň döwrebap wezipeleri» atly okuw maslahaty ýokary guramaçylyk derejesinde geçirildi.

«Daýanç» sagaldyş we dynç alyş merkezinde geçirilen okuw maslahatynyň dowamynda ençeme çäreler guraldy. Merkeziň mejlisler zalynda geçirilen maslahatyň dowamynda edilen buýsançly çykyşlarda halkyň bagtyýar durmuşyny üpjün etmäge gönükdirilen beýik işleri üçin türkmen halkynyň Milli Lideri Gahryman Arkadagymyza we Türkmenistanyň  Prezidentine alkyş sözleri beýan edildi.

Okuw maslahatynyň dowamynda geçirilen çäreler zähmet bilen dynç alşyň utgaşmasy hökmünde oňa gatnaşyjylarda uly täsir galdyrdy. Bu bolsa ýurdumyzda adamlaryň göwnejaý dynç almagy üçin döredilýän giň mümkinçilikleriň aýdyň nyşanydyr.