Şanly ýylymyzyň waspçylary

«Pähim-paýhas ummany Magtymguly Pyragy» ýyly hem-de Gündogaryň beýik akyldary, dana şahyrymyz Magtymguly Pyragynyň doglan gününiň 300 ýyllygyny dabaralandyrmak maksady bilen, TDP-niň Daşoguz welaýat komitetiniň, «Daşoguz habarlary» gazetiniň redaksiýasynyň bilelikde yglan eden «Magtymguly Pyragy —  umumadamzat paýhasynyň parlak ýyldyzy» atly döredijilik bäsleşiginiň jemi jemlenildi.

TKA-nyň welaýat birleşmesiniň mejlisler zalynda geçirilen bäsleşige TDP-niň işjeň agzalary ýokary ruhubelentlik bilen gatnaşdylar.

Bäsleşige hödürlenen makalalaryň many-mazmunyna we çeper beýan edilişine seljerme berlip, iň gowy eserler saýlanyp-seçilip alyndy. Şanly ýylymyzyň taryhy wakalaryny, ata Watanymyzyň gazanýan üstünliklerini wasp etmekde bäsleşige gatnaşyjylar aýratyn işjeňlik görkezdiler.

Bäsleşikde ýeňijiler kesgitlenilip, olara TDP-niň Daşoguz welaýat komitetiniň Hormat hatlary we sowgatlary dabaraly ýagdaýda gowşuryldy.