Şanly toýa bagyşlanan maslahat

Halkara Bitaraplyk gününi, hemişelik Bitaraplygymyzyň şanly 30 ýyllygyny dabaralandyrmak maksady bilen, Beki Seýtäkow adyndaky mugallymçylyk mekdebinde dabaraly maslahat geçirildi. Oňa mekdebiň mugallymlary we talyp ýaşlary gatnaşdylar.

Maslahatyň dowamynda çykyş edenler ýurdumyzyň daşary syýasatynyň üstünlikleri, hemişelik Bitaraplygymyzyň esasynda döwletimiziň dünýä giňişliginde ornunyň çuňlaşýandygy dogrusynda uly buýsanç bilen gürrüň etdiler. Döwletimiziň halkara hukuk ýagdaýyndan ugur alyp, dünýäde parahatçylygyň pugtalandyrylmagyna, halklaryň arasynda dost-doganlyk gatnaşyklarynyň berkidilmegine, özara bähbitli hyzmatdaşlyklaryň ilerledilmegine goşýan uly goşandy barada anyk mysallara salgylanyp nygtap geçdiler.