Sagdyn jemgyýet — berkarar döwlet

Daşoguz welaýat Saglygy goraýyş müdirliginiň hem-de saglygy goraýyş işgärleriniň KA-nyň Daşoguz şäher geňeşiniň bilelikde guramagynda «Sagdyn jemgyýet — berkarar döwlet» atly dabaraly maslahat geçirildi.

Welaýat köpugurly hassahanasynyň mejlisler zalynda geçirilen maslahata saglygy goraýyş ulgamynyň işgärleri we lukmanlar ýokary ruhubelentlik bilen gatnaşdylar. Onda çykyş edenler ýurdumyzda ynsan saglygyny goramak, keselleriň öňüni almak, şeýle hem zyýanly endiklerden daşda durmak, sagdyn durmuş ýörelgesini ündemek dogrusynda giňişleýin gürrüň etdiler. Şeýle-de berkarar döwletimizde ynsan saglygyny goramaga aýratyn uly ähmiýet berilýändigi dogrusynda buýsanç bilen bellediler.