Sagdyn durmuş ýörelgesi wagyz edildi

Golaýda TMÝG-niň Daşoguz welaýat geňeşiniň Daşoguz welaýat häkimligi, Daşoguz welaýat Polisiýa müdirligi, Daşoguz şäher prokuraturasy, TKA-nyň Daşoguz welaýat birleşmesi,  «Daşoguz habarlary» gazetiniň redaksiýasy bilen bilelikde guramagynda, TKA-nyň welaýat birleşmesiniň mejlisler jaýynda Daşoguz şäher Arassaçylyk we keselleriň ýaýramagyna garşy göreşmek gullugynyň işgärleriniň gatnaşmagynda «Hormatly Prezidentimiziň döwlet syýasaty — halkymyzyň durmuş goraglylygy» atly wagyz-nesihat duşuşygy geçirildi.

Duşuşykda çykyş edenler ýurdumyzda hereket edýän kanunlar we olardan gelip çykýan wezipeler, sagdyn durmuş ýörelgesiniň ähmiýeti hem-de bu ýörelgäni her bir adamyň durmuşyna ymykly ornaşdyrmak üçin döredilýän giň mümkinçilikler, üstünlikli dabaralanýan ýaşlar baradaky döwlet syýasaty, ýaş nesilleri halallyga uýýan, merdi-merdana, il-halkyny söýýän, watansöýüji, ylym-bilimli, milliligimize, şöhratly taryhymyza, däp-dessurlarymyza guwanýan we sarpa goýýan ýaşlar edip ýetişdirmek, olaryň ýaramaz endiklerden daşda durmaklaryny gazanmak barada, ýaşlaryň eziz Watanymyzyň ösüşlerine goşýan uly goşantlary dogrusynda giňişleýin belläp geçdiler. Şeýle-de sorag-jogap alyşdylar.