Şadyýan tomus

Sapaly künjekdäki gyzykly bäsleşik

Daşoguz welaýatyndaky «Bagtyýar nesil» çagalar sagaldyş we dynç alyş merkezinde TDP-niň Daşoguz şäher komitetiniň, «Türkmenistan» ýaşlar bedenterbiýe-sport guramasynyň Daşoguz welaýat bölüminiň bilelikde guramagynda şaşka boýunça bäsleşik geçirildi. Oňa  merkezde dynç alýan çagalar gatnaşdylar. Bäsleşik çagalary sagdyn durmuş ýörelgesine, sport işjeňligine höweslendirmek, berk bedenli, ruhubelent nesilleri kemala getirmek babatdaky ýaşlar syýasatyny dabaralandyrmak maksady bilen geçirildi. Şeýle ýaryşlar çagalaryň tomusky dynç alyş möwsümini mazmunly geçirmekde uly ähmiýete eýedir. Paýhas oýny bilen gyzyklanýan çagalaryň arasyndaky ýaryş ezber türgenleri ýüze çykardy. Gazanan utuklaryna laýyklykda, ýaryşyň ýeňijileri kesgitlenildi we baýraklar, Hormat hatlary bilen sylaglanyldy.