Ruhy lezzet paýlady

Daşoguz welaýatynyň Daşoguz şäher medeniýet merkeziniň guramagynda «Daşoguz» şypahanasynyň mejlisler jaýynda geçirilen medeni-dynç alyş çäresi uly ruhubelentlige beslendi.

Dabara bu ýerde dynç alýan we saglygyny berkidýän bagtyýar ildeşlerimiz uly höwes bilen gatnaşdylar. Ýerine ýetirilen hoş owazly aýdym-sazlarda hormatly Prezidentimiziň, Gahryman Arkadagymyzyň durmuşa geçirýän beýik işleriniň waspy belentden ýetirildi. Şeýle hem bu ýerde ýerine ýetirilen degişme sahnalary dynç alýan bagtyýar ildeşlerimize ruhy lezzet paýlady. Döwrebap aýdym-sazlar, hoş owazly nagmalar, dürli dillerde ýerine ýetirilen aýdymlar ata Watanymyzyň bagtyýarlygyň, rowaçlygyň, galkynyşyň hem-de dost-doganlygyň mekanydygyny ýene-de bir gezek aýdyň görkezdi.