Ruhubelentlige beslendi

Türkmenistanyň Halk Maslahatynyň nobatdaky mejlisiniň çözgütlerinden hem-de hormatly Prezidentimiziň BMG-niň Baş Assambleýasynyň 80-nji ýubileý sessiýasynyň plenar mejlisinde eden taryhy çykyşyndan gelip çykýan wezipelere bagyşlanyp «Taryhy teklipler we oňyn çözgütler» diýen at bilen maslahat geçirildi. TKA-nyň Daşoguz welaýat birleşmesiniň Daşoguz şäheriniň «Demirbetonönümleri» zawody bilen bilelikde guramagynda geçen maslahata kärhananyň öňdebaryjy işçileri gatnaşdylar.

Maslahatda guralan çykyşlarda taryhy çözgütleriň guwandyryjy netijeleri, Arkadagly Gahryman Serdarymyzyň halklaryň parahat ýaşaýşyna we umumadamzat bähbitlerine gönükdirilen başlangyçlarynyň, teklipleriniň dünýäde jebisligi has-da pugtalandyrmakdaky ähmiýeti dogrusynda uly buýsanç bilen gürrüň etdiler.