Raýat goranyşyna bagyşlanyldy

Welaýat raýat goranyşy we halas ediş işleri müdirliginiň hem-de Türkmen oba hojalyk institutynyň bilelikde guran, adatdan daşary ýagdaýlarda berjaý edilmeli düzgünlere bagyşlanylan wagyz-nesihat duşuşygy işjeň ýagdaýda geçdi. Institutyň medeniýet merkezinde bolan bu çärä mugallymlar, talyp ýaşlar gatnaşdylar.

Duşuşykda welaýat raýat goranyşy we halas ediş işleri müdirliginiň raýat goranyşy bölüminiň müdiri, kapitan Şageldi Mämiýew, raýat goranyşa taýýarlamak bölümçesiniň müdiri, leýtenant Mekan Arazweliýew, saglygy goraýyş bölümçesiniň lukman epidimiology, uly leýtenant Kuwwat Täjiýew, TMÝG-niň welaýat geňeşiniň hünärmeni Nurýagdy Galpakow, Türkmen oba hojalyk institutynyň adatdan daşary ýagdaýlar baradaky esasy hünärmeni Amangeldi  Garlyýew dagy ýüze çykmagy mümkin bolan adatdan daşary ýagdaýlaryň görnüşleri, olarda amala aşyrylmaly çäreler, şeýle halatlarda ejir çekenlere ilkinji lukmançylyk kömegini bermegiň usullary, ýaşlaryň bu ugurlardaky düşünjelerini, ukyp-başarnyklaryny ösdürmek barada alnyp barylýan işler hakynda gürrüň berdiler.