Parahatlygyň we asudalygyň kepili

Daşoguz welaýatynyň Daşoguz şäher häkimliginiň mejlisler zalynda Halkara parahatçylyk we ynanyşmak ýylyny hem-de baky Bitaraplygymyzyň 30 ýyllyk toýuny dabaralandyrmak maksady bilen «Hemişelik Bitaraplyk — parahatçylygyň ösüşli ýoly» atly maslahat geçirildi. Maslahata syýasy-jemgyýetçilik guramalarynyň, ýaşuly nesliň wekilleri, dürli ugurlarda zähmet çekýän adamlar hem-de talyp ýaşlar gatnaşdylar.

Ata Watanymyzyň Bitaraplyk derejesi döwletimiziň mümkinçilikleriniň, halkymyzyň ruhy galkynyşynyň taryhy netijesi bolup durýar. Şonuň ýaly-da, sebitde ylalaşdyryjy merkeze öwrülmegini şertlendirýär. Arkadagly Gahryman Serdarymyzyň döwletleriň, halklaryň arasynda parahatçylygy gazanmak, howpsuzlygy üpjün etmek babatdaky syýasy çemeleşmeleri dünýäde gyzgyn goldawa mynasyp bolýar.

Şular dogrusynda guralan çykyşlarda giňişleýin gürrüň edildi.