Parahatçylygyň kepili

Türkmenistanyň Gyzyl Ýarymaý Milli jemgyýetiniň Daşoguz welaýat bölüminiň welaýat kitaphanasy bilen bilelikde guramagynda «tegelek stoluň» başynda söhbetdeşlik geçirildi.

«Bitaraplyk — ählumumy parahatçylygyň kepili» atly şygar bilen geçirilen söhbetdeşlikde ýurdumyzyň parahatçylyk söýüjilikli daşary syýasatynyň esasynda gazanylan üstünlikler, baky Bitaraplygymyzyň dünýäde abadançylygyň hem durnukly ösüşiň berkemegindäki orny dogrusynda täsirli gürrüňler edilip, özara pikir alşyldy.

Çykyş edenler şeýle hem ýurdumyzyň dünýäniň belent münberinden öňe sürýän taryhy başlangyçlarynyň adamzadyň parahat ýaşaýşynyň, gülläp ösüşiniň, halklaryň arasynda jebis gatnaşygyň pugtalanmagyna hyzmat edýändigini we onuň esasynda BMG-niň Baş Assambleýasy tarapyndan köp sanly Kararnamalaryň kabul edilendigini, munuň bolsa, berkarar döwletimiziň halkara giňişligindäki abraýynyň çuňlaşýandygyny açyp görkezýändigi dogrusynda uly buýsanç bilen belläp geçdiler.