Okuw-hyzmat ediş merkezi açyldy
weather dashoguz 4° C Daşoguz

Okuw-hyzmat ediş merkezi açyldy

Ykdysadyýet
12.12.2024  74

Halkara Bitaraplyk baýramynyň öňüsyrasynda Daşoguz şäherinde «Kamaz» okuw-hyzmat ediş merkeziniň açylyş dabarasy boldy. Bu döwrebap merkez welaýat merkezinden halkara howa menziline barýan ýoluň ugrunda, täze iri ýaşaýyş jaý we desgalar toplumynyň ýanynda bina edildi.

Mälim bolşy ýaly, dünýä meşhur kompaniýanyň nobatdaky tehniki hyzmat ediş merkeziniň gurlup ulanmaga berilmegi berkarar döwletimiziň dost-doganlyk döwletler bilen ykdysady-syýasy hyzmatdaşlygy ilerledýändiginiň nobatdaky subutnamasydyr. Täze okuw-hyzmat ediş merkezi esasy dolandyryş binasy bilen birlikde, ammar binasyny we abatlaýyş bölümini öz içine alyp, döwrebap tehniki toplumy emele getirýär.

Açylyş dabarasy mynasybetli bu ýerde çykyş edenler ýurdumyzyň halkara hyzmatdaşlygyny berkitmekde netijeli işleri alyp barýandygyny uly buýsanç bilen bellediler. Çykyş eden myhmanlaryň belleýşi ýaly, şeýle okuw-hyzmat ediş merkezleri ýurdumyzyň ähli welaýatlarynda bina edilýär. Şeýle hem dabaranyň dowamynda merkeziň gurluşygynda zähmet çeken gurluşykçylara hormatly Prezidentimiziň adyndan sowgatlar gowşuryldy. Aýdym-sazyň hoş owazy bilen al-asmana uçurylan şarlar dabaranyň şowhunyny has-da arşa göterdi.

Soňra myhmanlar merkezde döredilen şertler bilen ýakyndan tanyşdylar. Merkeziň gurluşygyny «Ysmaýyl gurluşyk hyzmatlary» hususy kärhanasynyň işçileri bina etdiler. 1 gektar meýdany eýeleýän merkeziň çäginde Kamaz awtoulaglaryny abatlamak, olara tehniki hyzmat etmek üçin ähli şertler döredilendir.

Meňzeş habarlar

Ykdysadyýet Ata kesbine eýeren bagban
15.10.2024   76
Ykdysadyýet Pagtaçy daýhanlaryň üstünligi
04.10.2024   76
Ykdysadyýet Pileçileriň yhlasly işleri
07.05.2024   97
Ykdysadyýet Wagyz-nesihat çäresi geçirildi
15.11.2024   60
Ykdysadyýet Sogan ekilýär
13.03.2025   34
Ykdysadyýet Söwüt agajy
05.02.2025   67
Ykdysadyýet Bugdaýyň idegi ýetirilýär
15.01.2025   41
image