Nowruz — Zeminde täzelenişiň gözbaşy

Milli bahar baýramy mynasybetli  Daşoguz welaýatynyň Şabat etrap häkimliginiň, TDP-niň Daşoguz welaýat we etrap komitetleriniň bilelikde guramagynda Altyn ýol geňeşligindäki Dilewar oba medeniýet öýünde «Nowruz — Zemindäki ýaşaýşyň ajaýyp güni» ady bilen geçirilen aýdym-sazly dabara uly ruhubelentlige beslendi.

Dabaranyň dowamynda çykyş edenler Halkara Nowruz gününiň taryhy ähmiýeti hakynda aýratyn nygtadylar. Milli däplerimiziň, dost-doganlygyň hem-de agzybirligiň dabaralanýan baýramy bolan Milli bahar baýramyny halkymyz giň gerimde toýlaýar. Bular barada çykyş edenler buýsançly belläp geçdiler.

Dabaranyň dowamynda etrabyň medeniýet we sungat işgärleriniň ýerine ýetiren aýdym-sazly çykyşlary dabaranyň şatlygyny has-da artdyrdy.