Möhüm wezipeler kesgitlenildi

Türkmenistanyň Kärdeşler arkalaşyklarynyň welaýat birleşmesiniň mejlisler zalynda «Berkarar döwletiň täze eýýamynyň Galkynyşy döwründe kärdeşler arkalaşyklarynyň döwrebap wezipeleri» diýen at bilen maslahat geçirildi. Maslahata kärdeşler arkalaşyklarynyň ilkinji guramalarynyň başlyklary, işjeň agzalary gatnaşdylar.

Maslahatyň dowamynda Türkmenistanyň Zähmet kodeksine laýyklykda, işgärleriň tehniki howpsuzlyk düzgünlerini berjaý etmeklerini gazanmak, bu babatda kanunçylygyň talaplarynyň ýerine ýetirilmegini üpjün etmek boýunça kärdeşler arkalaşygy guramalarynyň wezipeleri barada durlup geçildi.

Şeýle hem Berkarar döwletiň täze eýýamynyň Galkynyşy döwründe öňde durýan belent maksatlary amala aşyrmakda yhlasly we netijeli zähmet çekip, ata Watanymyzyň üstünliklerine mynasyp goşant goşmalydygy aýdyldy.