Milli ýörelgeler — ýaşlara görelde

Golaýda şeýle şygar bilen milli däp-dessurlarymyzy, gymmatly ýörelgelerimizi, maşgala mukaddesligini wagyz etmek, ahlak arassalygyny ündemek maksady bilen, Daşoguz welaýat kitaphanasynda söhbetdeşlik geçirildi.

Türkmenistanyň Zenanlar birleşiginiň welaýat bölüminiň, «Daşoguz habarlary» gazetiniň redaksiýasynyň bilelikde guramagynda geçirilen söhbetdeşlige Türkmenistanyň Mejlisiniň deputaty Enejan Amanýazowa, TZB-niň welaýat bölüminiň kätibi Leýla Akbaýewa, «Daşoguz habarlary» gazetiniň habarçysy Bazargül Ballyýewa, welaýat RÝNÝ bölüminiň müdiri Altyn Bekiýewa, mährem ene Gülsoltan Saparowa, şeýle hem Beki Seýtäkow adyndaky mugallymçylyk mekdebiniň talyp gyzlary gatnaşdylar.

Söhbetdeşlikde çykyş edenler hormatly Prezidentimiziň parasatly baştutanlygynda alnyp barylýan belent tutumly işleriň döwrümizi bezeýändigi, döwletimizi beýgeldýändigi dogrusynda nygtadylar. Şeýle hem ýaşlaryň milli ýörelgelerimize eýerip, maşgala mukaddesligine ygrarly bolmaklary ündeldi.