Milli demokratiýanyň dabaralanmasy

Daşoguz welaýatynyň Saparmyrat Türkmenbaşy etrabynyň medeniýet merkezinde maslahat geçirildi. Etrap häkimliginiň, TSTP-niň Daşoguz welaýat komitetiniň bilelikde guramagynda geçirilen maslahata etrabyň edara-kärhanalarynyň, jemgyýetçilik guramalarynyň ýolbaşçylary, işjeň agzalary, dürli ugurlarda zähmet çekýän adamlar, ýaşuly nesliň wekilleri gatnaşdylar.

Maslahatyň çykyş edenler Halk Maslahatynyň döwletiň hem halkyň durmuşyndaky ähmiýeti, çuň manyly çykyşlarda öňe sürlen teklipleriň, maksatlaryň, öňde goýlan wezipeleriň, kabul edilen çözgütleriň ýurdumyzy mundan beýläk hem ösdürmek, kuwwatyny artdyrmak, ýaşlaryň ylym-bilim babatdaky ornuny has çuňlaşdyrmak, halkyň abadançylygyny berkitmek ýaly ugurlara gönükdirilendigi, olaryň durmuşa geçirilmegine hemmeleriň öz ornunda işjeň gatnaşmalydygy dogrusynda nygtadylar.