​​​​​​​Milli demokratiýanyň aýdyň ýoly bilen

Türkmenistanyň Halk Maslahatynyň mejlisinde kabul edilen çözgütleriň ähmiýetini wagyz etmek maksady bilen, häzirki wagtda Daşoguz welaýatynyň ähli ýerlerinde dabaraly maslahatlar giňden ýaýbaňlandyrylýar.

«Daşoguz habarlary» gazetiniň redaksiýasynyň, TDP-niň Daşoguz şäher komitetiniň, Daşoguz welaýat kitaphanasynyň bilelikde guramagynda «Taryhy özgertmelerden galkynýan Watan» atly şygar bilen «tegelek stoluň» başynda söhbetdeşlik guraldy.

Söhbetdeşlikde Halk Maslahatynyň taryhy mejlisinde döwletimizi durmuş-ykdysady taýdan has-da ösdürmek, jemgyýetçilik durmuşyny döwrebap derejä ýetirmek babatda kabul edilen çözgütleriň ähmiýeti dogrusynda giňişleýin pikir alşyldy. Şeýle hem türkmen halkynyň Milli Lideri we Türkmenistanyň Prezidentiniň çuň mazmunly çykyşlarynda bellenen belent maksatlar, öňde goýlan wezipeler, olary durmuşa geçirmek babatda ýerine ýetirilmeli işler dogrusynda durlup geçildi.