Meýdan işleri ýokary depginde

Daşoguz welaýatynyň Köneürgenç etrabynyň «Obahyzmat» önümçilik kärhanasynyň tehnikalary şu günler etrabyň meýdanlarynda dowam edýän oba hojalyk işlerine gatnaşdyrylýar. Kärhana degişli dürli kysymly tehnikalaryň iki çalşykda saz işledilmegi netijesinde sürüm geçirilen ýerleriň gektar sany gün-günden artýar. Sürüm işleri etrabyň «Derýalyk», «Täze güýç», «Kyrkgyz» daýhan birleşiklerinde barha ýokary depgine eýe bolýar. Kärendeçiler hem özleriniň garamagyndaky ýerleriň gyra-töwereklerinde, çillerde arassaçylyk işlerini geçirýärler, suw akabalaryny gyrmançalardan arassalaýarlar. Möwsümleýin meýdan işleriniň öz wagtynda geçirilmegi ýerleriň ýaz ekişine bellenen wagtda taýýar edilmegine uly mümkinçilik berýär.