Maşgala gymmatlygy — döwrüň talaby

Türkmenistanyň Zenanlar birleşiginiň Daşoguz şäher bölüminiň guramagynda sagdyn durmuş ýörelgelerini ündemek, maşgala gymmatlygyny, ahlak arassalygyny, milli ýol-ýörelgelerimizi wagyz etmek maksadynda, «Sagdyn jemgyýet — berkarar döwlet» diýen at bilen wagyz-nesihat maslahaty geçirildi.

Daşoguz şäher häkimliginiň mejlisler zalynda geçirilen maslahata ilkinji zenanlar guramalarynyň ýolbaşçylary, işjeň agzalary, talyp gyzlar gatnaşdylar. Onda çykyş edenler Berkarar döwletiň täze eýýamynyň Galkynyşy döwründe ösüp gelýän ýaş nesilleriň beden taýdan berk, ruhy taýdan sagdyn, watansöýüji, zähmetsöýer, ilhalar şahsyýetler bolup ýetişmekleri üçin giň mümkinçilikleriň döredilýändigini bellediler.