Mährem ýürekleriň buýsanjy

Halkara parahatçylyk we ynanyşmak ýylyny hem-de Halkara zenanlar gününi dabaralandyrmak maksady bilen, «Daşoguz habarlary» gazetiniň redaksiýasynyň, TKA-nyň Daşoguz welaýat birleşmesiniň, Daşoguz şäher medeniýet merkeziniň bilelikde  guramagynda baýramçylyk dabarasy geçirildi. TKA-nyň Daşoguz welaýat birleşmesiniň mejlisler zalynda «Parahatlyk — bossanym, zenan bagty — dessanym» atly şygar bilen geçirilen dabara döredijilik işgärleri, dürli ugurlarda zähmet çekýän KA-nyň işjeň agzalary, döwlet sylaglaryna mynasyp bolan zenanlar, mährem eneler gatnaşdylar.

Dabarada çykyş edenler halkara derejede giňden bellenilýän ajaýyp baýram mynasybetli ýürek buýsançlaryny beýan etdiler.

Daşoguz şäher medeniýet merkeziniň aýdym-saz toparynyň çykyşlarynda bagtyýar durmuşyň, mährem zenanlaryň waspy ýetirildi.