Kombaýnlar möwsüme taýýar

Halkara parahatçylyk we ynanyşmak ýylynyň galla oragy möwsümine Daşoguz welaýatynyň  Akdepe etrabynyň «Obahyzmat» önümçilik kärhanasynyň işçi-hünärmenleri, kombaýnçylary hem oňat taýýarlyk gördüler. Şonuň netijesinde kärhananyň şol döwürde bugdaý oragyna gatnaşdyrylmagy göz öňünde tutulýan kombaýnlarynyň 84-siniň ählisi bir hatar gözden geçirilip, olaryň kemçilikleri düzedildi. Bu işde kärhananyň kombaýnlar boýunça hünärmeni Saparmyrat Durdyýew, abatlaýjy ussalary Baýram Ilamanow, Haýyt Jumadurdyýew, Şeripbaý Mätkurbanow, Merdan Jumadurdyýew we beýlekiler gaýratly zähmet çekdiler. Munuň özi galla oragynyň bökdençsiz alnyp barylmagyna ýardam berer.