Kitap — kämilligiň gözbaşy

Şeýle at bilen Beki Seýtäkow adyndaky mugallymçylyk mekdebiniň we Türkmenistanyň Demokratik partiýasynyň Daşoguz  welaýat komitetiniň guramagynda bäsleşik geçirildi. Türkmenistanyň Prezidentiniň hem-de Gahryman Arkadagymyzyň ajaýyp eserleriniň ähmiýetini wagyz etmek maksady bilen geçirilen bäsleşige şu okuw jaýynyň talyplary gatnaşdylar.

Bäsleşigiň dowamynda talyplar 3 sany şert esasynda ýaryşyp, Gahryman Arkadagymyzyň, hormatly Prezidentimiziň jöwher paýhasyndan syzylyp çykan kitaplaryndan jümleleri labyzly okamak, rowaýatdyr tymsallara degişli parçalary sahnalaşdyrmak, ýürek buýsançlaryny beýan etmek boýunça özleriniň ukyp-başarnyklaryny görkezdiler. Bäsleşigiň dowamynda talyplaryň arasyndan ýeňijiler kesgitlenildi. Bäsleşigiň ýeňijilerine TDP-niň Daşoguz welaýat komitetiniň sowgatlary gowşuryldy.