Jebisligimiziň, agzybirligimiziň dabaralanmasy

Daşoguz welaýatynyň Daşoguz şäher häkimliginiň mejlisler zalynda şäher häkimliginiň, TDP-niň welaýat we şäher komitetleriniň bilelikde guramagynda «Türkmenistanyň Halk Maslahaty — jebisligimiziň, agzybirligimiziň dabaralanmasy» atly maslahat geçirildi.

Maslahatda çykyş edenler ýurdumyzda amala aşyrylýan düýpli özgertmeleriň giň gerimliligi hem-de täzeçilligi bilen tapawutlanýandygy, olaryň döwlet we jemgyýetçilik durmuşynyň ähli ugurlaryny gurşap alýandygy dogrusynda aýdyp geçdiler. Munuň şeýledigine Milli Lideriň başlyklyk etmeginde, Arkadagly Gahryman Serdarymyzyň gatnaşmagynda geçen Halk Maslahatynyň taryhy mejlisinde hem doly göz ýetirilendigi uly buýsanç bilen bellenip geçildi. Umumymilli forumyň çözgütleriniň beýik özgertmeleriň esasynda gazanylýan ösüşleri berkitmekde, halkyň ýaşaýyş-durmuşyny has-da gowulandyrmakda möhüm ähmiýete eýedigi nygtaldy.