Hyzmatdaşlyk arkaly ösüşe tarap

TKA-nyň Daşoguz welaýat birleşmesiniň guramagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň ähmiýetini olara ýetirmek maksadynda, «Awaza forumy: hyzmatdaşlyk arkaly ösüş» atly dabaraly maslahat geçirildi.

Oňa Türkmenistanyň Goranmak ministrliginiň Daşoguz welaýatyndaky harby bölüminiň serkerdeleri hem-de esgerleri gatnaşdylar. Maslahatda çykyş edenler  Garaşsyz, baky Bitarap ýurdumyzda ýaşlaryň döwrebap bilim-terbiýe almaklary, hünär öwrenmekleri, Watana wepaly gulluk etmekleri üçin döredilýän şertler, halkara «Awaza» forumynyň döwletleriň, halklaryň arasyndaky dost-doganlyk gatnaşyklaryny pugtalandyrmakdaky ähmiýeti barada gürrüň berdiler. Şeýlelikde, bu çäre oňa gatnaşan ýaşlarda uly täsir galdyrdy.