Hurma

Ynsan bedeni üçin zerur bolan ýokumly maddalaryň ählisini diýen ýaly özünde saklaýan hurma ýokumlylygy boýunça öňdäki orunlarda durýar we bedene energiýa çeşmesi bolup hyzmat edýär. Hurmanyň 100 gramynda 282 kaloriýa bolup, 0,5 gr ýag, 69 gr uglewod, 2,6 gr belok, 8 gr iýmit süýümleri, 2 mg natriý, 656 mg kaliý, 0,4 mg askorbin turşusy, 39 mg kalsiý, 1 mg demir, 43 mg magniý, şeýle hem marganes, fosfor, selen ýaly mikro we makroelementleri hem-de köp mukdarda B witaminler toplumy saklanýar. Hurmanyň düzüminde adam bedeni üçin zerur bolan minerallaryň — magniniň, kalsiýniň, kaliniň, ftoruň köp mukdarda bolmagy daýanç-hereket ulgamyna oňyn täsir edip, süňkleriň berk bolmagyna ýardam edýär we osteoporozyň öňüni alýar. Merkezi nerw ulgamynyň, böwrekleriň, ýürek-damar, aşgazan-içege ulgamlarynyň işjeňligini kadalaşdyrýar.