Hoş geldiň sen, Täze ýyl!

Şäher medeniýet merkezinde geçirilen baýramçylyk çäresiniň dowamynda merkeziň halk teatrynyň, «Çagalar we ýetginjekler» tans gurnagynyň we merkeziň çeper höwesjeňleriniň joşgunly çykyşlary dabaranyň şowhunyny artdyrdy. Bu ýerde bezemen arçanyň daşynda Aýazbabadyr Garpamygyň çagalar bilen ýerine ýetiren aýdymy çäräniň ruhubelentligini has-da belende göterdi. Aýazbabanyň çagalara sowgat paýlaýşy, olaryň joşgunly çykyşlary çärä özboluşly many-mazmun bagyşlady. Onuň dowamynda ýerine ýetirilen «Salam, Täze ýyl!», «Aýdym aýdaly», «Hoş geldiň sen, Täze ýyl!» ýaly joşgunly aýdym-sazlar ajaýyp döwrümiziň, şadyýan baýramçylygyň belent waspy bolup ýaňlandy.