Halk Maslahaty — döwletli ýörelgelere badalga

Berkarar döwletiň täze eýýamynyň Galkynyşy döwründe demokratik ýörelgeleriň dabaralanmagy ýurdumyzda Türkmenistanyň Prezidentiniň: «Watan diňe halky bilen Watandyr! Döwlet diňe halky bilen döwletdir!» diýen nusgalyk taglymatynyň üstünlikli durmuşa geçirilýändiginiň aýdyň nyşanydyr. Türkmenistanyň Halk Maslahaty hem halkymyzyň we ýurdumyzyň durmuşynda möhüm ähmiýete eýedir.

Türkmenistanyň Halk Maslahatynyň mejlisine taýýarlyk görmek we onuň ähmiýetini halk köpçüligine wagyz etmek maksady bilen, «Halk Maslahaty — döwletli ýörelgelere badalga» atly maslahat geçirildi. Ony Daşoguz şäher häkimligi, Daşoguz welaýat, Daşoguz şäher halk maslahatlary, TDP-niň we TAP-nyň Daşoguz şäher komitetleri, TMÝG-niň Daşoguz şäher geňeşi bilelikde guradylar. Maslahata bilim, medeniýet, saglyk, sport ulgamlarynyň, ykdysady toplumyň işgärleri, ýaşuly nesliň wekilleri gatnaşdylar.

Maslahatyň dowamynda çykyş edenler ýokary wekilçilikli edaranyň halkymyzyň we döwletimiziň durmuşyndaky ähmiýeti dogrusynda nygtadylar. Halk Maslahatynyň mejlisiniň ýurdumyzyň Garaşsyzlyk ýyllarynda gazananlaryny has-da berkitmekde, halkymyzyň bagtyýar durmuşyny üpjün etmekde öňde durýan wezipeleri çözmekde uly gymmaty bellenip, oňa häzirki wagtda ýokary derejede taýýarlyk görülýändigi barada aýdyldy.