Halk Maslahaty: döwletli tutumlara badalga

Beýik işleriň döwri

Golaýda döwlet edaralarynyň işgärleriniň KA-nyň Daşoguz şäher geňeşiniň, «Daşoguz habarlary» gazetiniň redaksiýasynyň bilelikde guramagynda Daşoguz welaýat kitaphanasynda geçirilen «tegelek stoluň» başyndaky söhbetdeşlik hem şeýle çäreleriň biridir.

Söhbetdeşlikde çykyş edenler Türkmenistanyň Halk Maslahatynyň mejlisiniň özlerinde galdyran ýakymly täsirleri, hormatly Prezidentimiziň we Gahryman Arkadagymyzyň taýsyz tagallalary bilen geçen döwürde amala aşyrylan işler, olaryň netijeleriniň ata Watanymyzyň ykdysadyýetiniň gülläp ösmegi, halkymyzyň durmuş derejesiniň has ýokarlanmagy üçin möhüm ähmiýeti barada gürrüň berdiler, öz pikir-garaýyşlaryny, guwanç-buýsançlaryny beýan etdiler.

Ýurdumyzyň şäherdir obalarynda köp sanly ýaşaýyş jaýlarynyň, bilim, saglygy goraýyş, sport we beýleki ulgamlara degişli binalaryň, desgalaryň gurlup ulanmaga berilmegi, täze önümçilik kärhanalarynyň işe girizilmegi bilen baglanyşykly getirilen mysallar, sanlar her bir adamda uly guwanç, geljekdäki ösüşlere berk ynam döredýär.