Gymmaty egsilmejek ruhy hazyna

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy Daşoguz welaýatynyň Daşoguz şäher häkimliginiň, TDP-niň şäher komitetiniň, TAP-nyň şäher komitetiniň hem-de TMÝG-niň şäher geňeşiniň bilelikde guramagynda geçirildi.

Şäher häkimliginiň mejlisler zalynda geçirilen tanyşdyrylyş dabarasyna il sylagly ýaşulular, mährem eneler, edara-kärhanalaryň, jemgyýetçilik guramalarynyň ýolbaşçylary, dürli ugurlarda zähmet çekýän adamlar, Mejlisiň deputatlary, şäher halk maslahatynyň agzalary, talyp ýaşlar gatnaşdylar.

Dabarada çykyş edenler Gahryman Arkadagymyzyň täze eseriniň Halkara Bitaraplyk gününiň we Bitaraplygymyzyň şanly 29 ýyllyk baýramynyň öňüsyrasynda halkymyza gowuşmagynyň uly many-mazmuna eýe bolandygyny, Milli Liderimiziň şöhratly taryhymyz hakynda toplan ençeme maglumatlaryny bu kitaba ýerleşdirip, ony «Hakyda göwheri» diýip atlandyrmagynyň halkymyzy has-da buýsandyrandygyny bellediler. Kitabyň many-mazmuny, türkmeniň akyldar şahyry Magtymguly Pyragynyň eserleriniň ähmiýeti hakynda bellediler. Türkmen we iňlis dillerinde çap edilen bu eseriň diňe bir taryhy maglumatlara baý gymmatly çeşme bolmak bilen çäklenmän, eýsem, daşary ýurt raýatlaryna hem halkymyzyň taryhy bilen tanyşmaga mümkinçilik döredýändigi dogrusynda nygtadylar.

Dabara gatnaşyjylar türkmen halkynyň Milli Lideri Gahryman Arkadagymyzyň ajaýyp eserleriniň höwrüniň köp bolmagyny, tutumly işleriniň rowaç almagyny arzuw etdiler.