Gymmatly ruhy hazyna

Hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabynyň tanyşdyrylyş dabarasy TKA-nyň Daşoguz welaýat birleşmesiniň guramagynda hem geçirildi. Birleşmäniň mejlisler zalynda geçirilen maslahatda TKA-nyň welaýat birleşmesiniň başlygy Aşyrdurdy Allaýew, pudaklaýyn utgaşdyryjysy Jumagül Hojaýewa, welaýat kitaphanasynyň direktory Ogulhan Mätdurdyýewa, agrosenagat işgärleriniň KA-nyň Daşoguz şäher geňeşiniň başlygy Gülruh Haljanowa, «Daşoguztaslama» taslama institutynyň hünärmeni, KA-nyň  ilkinji guramasynyň başlygy Sapa Ahmedow, döwlet edaralary işgärleriniň KA-nyň Daşoguz şäher geňeşiniň hasapçysy Tyllagözel Amanmädowa dagy çykyş etdiler.

Çykyşlaryň dowamynda täze kitabyň çuň mazmuny, taryhy ähmiýeti dogrusynda söhbetlere aýratyn orun berildi. Dabarada çykyş edenler ýurdumyzyň Bitaraplyk syýasatynyň esasynda dünýäde parahatçylygy, ynanyşmagy dabaralandyrýan hem-de wagyz edýän şeýle ajaýyp eseri sowgat edendigi üçin Arkadagly Gahryman Serdarymyzyň adyna çuňňur hoşallyk sözlerini aýtdylar.