Gymmatly eseriň buýsançly söhbedi

Türkmenistanyň Prezidentiniň «Änew — müňýyllyklardan gözbaş alýan medeniýet» atly kitabyny wagyz etmek maksady bilen, «Doganlyk halklaryň umumy abadançylygynyň we gülläp ösüşiniň binýady» ady bilen «tegelek stoluň» başynda söhbetdeşlik geçirildi. Döwlet edaralarynyň işgärleriniň KA-nyň Daşoguz şäher geňeşiniň hukuk goraýjy edaralar bilen bilelikde guramagynda TKA-nyň Daşoguz welaýat birleşmesiniň kiçi mejlisler zalynda geçirilen söhbetdeşligiň dowamynda Türkmenistanyň Prezidentiniň «Änew — müňýyllyklaryndan gözbaş alýan medeniýet» atly kitabynyň halkymyza gowuşmagynyň «Pähim-paýhas ummany Magtymguly Pyragy» ýylynda ajaýyp toý sowgady bolandygy dogrusynda nygtadylar.

Şeýle hem türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Arkadagly Gahryman Serdarymyzyň şular ýaly çuň manyly, agzybirlige, dostluga, parahatçylyga çagyrýan kitaplarynyň höwrüniň köp, galamynyň ýiti bolmagyny, janlarynyň sag, il-ýurt bähbitli, umumadamzat ähmiýetli işleriniň rowaçlyklara beslenmegini arzuw etdiler.