Güller — göwünleriň bezegi

Ýurdumyzyň ähli künjeklerini bagy-bossanlyga öwürmek, şäherdir obalaryny has-da gözelleşdirmek, abadanlaşdyrmak babatda amala aşyrylýan işleriň, bu ugurdaky goldawlaryň guwandyryjy netijeleri berýändigini Daşoguz welaýatynyň merkezi Daşoguz şäheriniň mysalynda hem görmek bolýar. Şäheriň köçelerinde, seýilgählerinde, meýdançalarynda, edara-kärhanalarynyň, okuw jaýlarynyň töwereklerinde emele gelýän gözel görnüşler ýylsaýyn artyp, hemmeleriň ünsüni çekýär.

Bu ýerde alnyp barylýan şeýle işlere Daşoguz şäher arassaçylyk we abadanlaşdyryş trestiniň işgärleri hem mynasyp goşantlaryny goşýarlar. Olaryň hatarynda kärhananyň ýyladyşhana bölüminiň agzalarynyň hem mynasyp paýynyň bardygyny aýtmak bolar.

Bu bölümde 50-ä golaý adam zähmet çekýär. Olaryň esasy bölegi gelin-gyzlardan ybarat.Şu ýyl ýyladyşhanada dürli tohumdan bolan gülleriň 500 müň düýpden gowragy ýetişdirildi. Häzirki günlerde bolsa olary şäheriň köçeleriniň ugrundaky, seýilgählerindäki bellenilen ýerlerde oturtmakişleri alnyp barylýar. Ýyladyşhananyň işgärleriniň yhlasly zähmeti netijesinde, şäheriň gözelligi artýar.

Jemi meýdany 10 gektardan gowrak bolan ýyladyşhanada gülleri ýetişdirmek, olary degişli ýerlere ugratmak, meýdanlarda oturtmak işleri talabalaýyk ýerine ýetirilýär.

Belent ymaratlary, giň köçeleri, seýilgähleri bilen barha gözelleşýän Daşoguz şäheri göze ýakymly baglary, gülleri bilen öz ýaşaýjylarynyň, myhmanlarynyň göwünlerini galkyndyryp, kalbynda ýatdan çykmajak täsirleri galdyrýar. Onda hem agzalan kärhananyň işgärleriniň bu ugurdaky ýadawsyz zähmeti uly orna eýedir.